Unanimidade do pleno para solicitar o regreso da Policía Nacional e para favorecer a implantación de Gallega de Mallas en Bértoa

Información
;Localidades de Galicia 29 Septiembre 2015

Todos os grupos da corporación apoiaron o luns 28 na sesión plenaria ordinaria do mes de setembro o regreso da Policía Nacional a Carballo a través dunha moción presentada polo grupo socialista. Aprobaron por unanimidade un acordo que recolle que o Concello solicite a creación dunha Comisaría Local da Policía Nacional en Carballo diante da Subdelegación do Goberno para que este organismo eleve a proposta diante do Ministerio do Interior. Así mesmo, en caso de que a solicitude teña éxito, o Concello comprométese a facilitar unha situación e unhas dependencias para a creación da futura Comisaría. Precisamente o Alcalde de Carballo, Evencio Ferrero, ten previsto manter o mércores 30 de setembro unha entrevista na Coruña co Delegado do Goberno, Santiago Villanueva, para abordar este e outros asuntos e seguir solicitando a dotación deste servizo demandando pola veciñanza dende hai anos. Outro dos asuntos que recibiu o apoio de todos os concelleiros foi a concesión da bonificación dun 95 por cento no ICIO (Imposto sobre construcións, instalacións e obras) á empresa Gallega de Mallas, que nos próximos meses ten previsto construír unha nave no Parque Empresarial de Bértoa carballés. Este tipo de rebaixa está recollida dentro das medidas adoptadas pola administración local para favorecer o emprego e o desenvolvemento económico, polo que se aplica a todas as empresas que teñan proxectos para implantarse en solo carballés e que cumpran os requisitos para a concesión da bonificación. No caso de Gallega de Mallas, sobre unha actuación de 3.181.448,49 euros corresponderíalle un ICIO de 79.536,21 euros. Coa bonificación do 95 por cento achegará 3.976,81 euros. Nunha sesión de máis de dúas horas de duración e que tivo que lamentar a ausencia da concelleira do PP, Ana Casais, outro dos puntos aprobados por unanimidade foi o contrato administrativo especial para a concesión dun total de doce postos do Mercado Municipal de Carballo, así como de seis almacéns con cámara de frío para carnicerías e outros cinco sen cámara. Entre os criterios para a adxudicación, que se realizará a través dun concurso aberto, valorarase a proposta económica, con ata 90 puntos; así como o proxecto de explotación da actividade económica a desenvolver no posto de venda, con ata dez puntos. A apertura do procedemento realizarase a través dun anuncio publicado no BOP (Boletín Oficial da Provincia) e está establecido contar cun prazo de 30 días naturais para a presentación de ofertas. Un asunto que saíu adiante unicamente cos votos a favor do BNG foi a modificación da Ordenanza xeral de prezos públicos nº 1 do Concello de Carballo. O cambio, meramente de trámite, realízase para permitir que o pleno delegue na Xunta de Goberno Local o establecemento, fixación e modificación dos prezos públicos dos servizos ou actividades prestados directamente polo Concello, prezos que se aplican, por exemplo, para regular o uso de edificios públicos municipais como o Fórum Carballo ou o Pazo da Cultura.

Renuncia de Bibiana Bértoa

Xa que tanto o PSOE como o PP presentaron cadansúa moción acerca da situación dos refuxiados que chegan a Europa con motivo da guerra de Siria, decidiuse deixar o asunto sobre da mesa e elaborar entre todos os grupos con presenza no pleno unha Declaración institucional de consenso na que se recolla o apoio da corporación e a vontade de axudar a todas as persoas que se atopen nesta difícil situación. A sesión tamén supuxo a a renuncia da Concelleira do PP, Bibiana Bértoa Cambón (na imaxe, primeira pola dereita), ao seu cargo como edila no Concello de Carballo por motivos laborais, despois de algo máis de catro anos no seu cargo, sendo este o seu segundo mandato como integrante da corporación.  O seguinte posto na listaxe do PP presentada aos comicios de maio de 2015 está ocupado por Carlos Reyes Pereira.
No apartado de mocións, a corporación rexeitou a aprobación de dúas mocións presentadas polo PP. A primeira delas instaba aos "poderes públicos, administracións públicas e sociedade civil a poñer en valor a cohesión e unidade de España"; a segunda propoñía solicitar diante da Consellería de Medio Rural, así como diante da Deputación da Coruña que se elaboren accións para defender a calidade do leite e de apoio ao sector lácteo. Un dos motivos para o rexeitamento desta segunda proposta foi a apelación á Deputación provincial, xa que non se considerou o organismo pertinente para adoptar medidas sobre o sector lácteo. A sesión pechouse coa comparecencia de Xabier Filgueira en representación da Confederación Intersindical Galega (CIG) de Carballo. En virtude do Regulamento de Participación Cidadá realizou unha intervención na que defendeu a necesidade de crear unha tarifa eléctrica diferenciada para Galicia co obxectivo de impulsar o desenvolvemento económico e a industria do país.{jcomments on}

  • Decenas de fuerzas de seguridad evitaron que Feijoo fuese apaleado y saliera ileso de un falso montaje de un mítin en Galicia.

    Xornal Galicia A Coruña Lugo Ourense Pontevedra Vigo Santiago Localidades[…]

    Decenas de fuerzas de seguridad evitaron que Feijoo fuese apaleado y saliera ileso de un falso montaje de un mítin en Galicia. FEIJOO TRASLADADO A MÁS DE 60 KILÓMETROS DE VERIN POR LAS FUERZAS DE SEGURIDAD PARA QUE PUDIESE SALIR ILEPSO.La última "farolada de Feijoo" llega al esperpento y circo de pesonajes dignos de una serie de los muertos vivientes, el PPdeG y su asesora no han visto nada mejor que ir a "cagarse" en las narices de la comarca de Verin-Monterrey en Ourense, trasladando hasta alli, a cuatro personajes de fuera de la comarca que se prestaron a hacer de público de la zona en un campo de fútbol, lo que ocasionó la crispación, enfado de los vecinos de la comarca que fueron directos a provocar " LA CAÍDA DEL IMPERIO MARRANO ", refiriéndose a todo lo que representa Feijóo, en una campaña de TROLS, PERFILES FALSOS, entre las "cagarrutas de cabra o fantasmas digitales" que deambulan por la red, Feijóo y Mar Sánchez llevan más de 4 meses que no se atreven a viajar a América por miedo insuperable a[…]