Os Axentes Medioambientais denuncian a actitude da Consellería de Medio Rural da semana pasada, presumindo e inchando peito dicindo que se dispoñía de medios suficientes. Os Axentes Medioambientais recordan que xa advertiron á Consellería da falta de previsión e da escaseza de medios, ante as condicións climatolóxicas que están a ser moi adversas.

Tan só dous días tardou a Consellería en desinchar o peito, posto que nun día como o luns, onde as temperaturas eran moi elevadas, superiores nalgúns lugares os 40 grados, se produciron 3 lumes en Galicia que puxeron en xaque á Xunta.

-       Lume de Sober (Lugo) decretado o nivel 2 por afectar á poboación e a bens non forestais. Neste lume os Axentes denuncian a escaseza de medios e a falta de medios áreos, onde estiveron en perigo vivendas habitadas, e chegou a arder unha vivenda deshabitada, por non poder atallar as llamas antes de que lle afectaran. A superficie ardida é superior ás 25 has.

-       Lume de Boborás (Ourense) no que a superficie ardida foi superior ás 100 has. Neste lume os Axentes denuncian a insuficiencia de medios aéreos e terrestres, xa que no caso de dispor de medios suficientes a superficie ardida sería menor. Os medios cos que se contou o inicio da extinción do lume foron todos dos que dispoñía o Distrito forestal XI un Axente Medioambiental, unha motobomba e unha brigada de 1 compoñente e unha brigada de tres compoñentes.

-       Lume de Teo (A Coruña) decretado o nivel 2, onde estivo en grave perigo as vivendas e a superficie ardida foi superior ás 50 has. Neste lume estivo presente a Conselleira do Medio Rural. Os Axentes recordan que o que se necesitan son medios, aínda que de todas formas agradecen a súa presenza.

Os lumes son ocasionados tanto por factores humanos, neglixencias ou outras actividades, como foi o lume de Sober por chispa de maquinaria agrícola ou no caso de Boborás, polo paso do tren, e non só os incendiarios que son unha lacra que temos que combater entre todos.

Ónde están os medios señora Conselleira?, preguntan os Axentes Medioambientais.

Ante as manifestacións da Conselleira na TVG, onde fala da rapidez coa que se extinguiu o lume de Teo, Rosa Quintana esquecese de falar pero do lume de Sober, que estivo activo ata as 13:30h, e do lume de Boborás que non se rematou ata as 02:05h do 1 de xullo. Os Axentes Medioambientais reiteramos a falta de efectivos suficientes, para que estes lumes non se fixeran tan grandes.

Sobre as declaracións do Vicepresidente da Xunta de Galicia no Correo Gallego, nas que dixo que todos os incendios foran intencionados, os Axentes Medioambientais afirman que só o incendio de Teo foi premeditado e apelan a que o Vicepresidente non minta sobre a causalidade dos lumes forestais.

A Consellería con tan só tres lumes viuse desbordada e tivo que solicitar o apoio da UME. Os Axentes informan á opinión pública que a axuda da UME non é gratis e pídenlle á Consellería que publique o custe real que lle supón a Galicia a intervención deste medio estatal. Si en Galicia houbese medios suficientes non se tería que gastar diñeiro público en recursos alleos.

Os Axentes Medioambientais recórdanlle á Conselleira Rosa Quintana, que eles non animan a poñer lume, son o colectivo ao que menos lle interesa que arda o monte, pois TEÑEN QUE APAGALOS e dirixir as labores de extinción destes incendios. O que se está a facer é pedir os medios necesarios para poder sufocalos e ADVERTINIDO DA SITUACIÓN DE PRECARIEDADE QUE ESTÁN A SOFRIR. Defendemos un servizo público único e profesionalizado, no que as cuadrillas que acudan ós lumes que veñan completas, que se cubran as baixas e as xubilacións, posto que non se poden apagar os lumes con brigadas de 2 ou 3 compoñentes ou en ocasións un só, como foi o caso do lume de Boborás.

Denuncian tamén a presión á que estes profesionais están expostos durante a dirección de extinción dos incendios forestais con chamadas constantes por parte da Consellería, preguntando canto vai arder e cando se vai a dar o lume por estabilizado, e por rematado, sen preocuparlle en ningún momento a seguridade e a saúde dos traballadores. A tensión e estres ó que estes profesionais están sometidos, acaba pasándolle factura o longo da súa carreira profesional, afectándolle claramente á súa saúde.

LOLA RIDGE, IRISH-AMERICAN RADICAL POET

The poet and activist Rose Emily ‘Lola’ Ridge (1873-1941), was...

Estrategias para la calidad y la regeneración democrática

José Manuel Canales y Ángel Valencia Sáiz (editores), Estrategias para...

Flujos de trabajo serán cada vez más eficientes con el uso de tableros Kanban

Para visualizar, gestionar y corregir los errores en tiempo real...

¿Dónde se pueden estudiar las lenguas cooficiales de España en Andalucía?

:CON MOTIVO DE LAS PRÓXIMAS ELECCIONES GENERALES ASÍ COMO AL...

Robert Boyd, un irlandés en busca de la libertad en España. Por Francisco Javier Salmerón Giménez

Después de defender Cartagena y Alicante del cerco realizado por...

Telefónica del Perú y Ley N° 29733 - Ley de Protección de Datos Personales por declaraciones de Luis Vargas

Dr. (PhD) Miguel Gallardo PERITO Tel.  (+34) 902998352 E-mail: apedanica.ong@gmail.com Asociación...

Relaciones España-Irlanda Aula María Zambrano de Estudios Transatlánticos de la Universidad de Málaga

El Aula María Zambrano de Estudios Transatlánticos de la Universidad...

Otros articulos relacionados.....