XSG: “Rajoy é o mecenas dun patriarcado totalmente institucionalizado e alentado polos seus intereses retrógrados”

As Xuventudes Socialistas consideran un ataque ós dereitos de todas as mulleres o feito de que o TC avale a negativa dun farmacéutico de ter á venda a pílula poscoital

Dende a Organización xuvenil denuncian que se antepoña a obxección de conciencia ao cumplimento dun dereito básico, facendo do seu acollemento ideolóxico unha demostración máis da súa teima para tutelar os corpos das mulleres

Santiago de Compostela, 14 de xullo de 2015

As Xuventudes Socialistas de Galicia (XSG) tachan de inxustificado que o Tribunal Constitucional avale o dereito á obxección de conciencia dun farmacéutico de Sevilla que se negou a dispensar no ano 2008 a coñecida como “pílula do día despois”, segundo una sentenza feita pública esta semana.

Tal e como vén de afirmar o Secretario Xeral da Organización, Aitor Bouza, “asistimos novamente a un ataque frontal á dignidade das mulleres, posto que esta sentenza vulnera un dos dereitos máis esenciais: a plena decisión sobre os seus corpos”, asegurando tamén que “é intolerable que dito tribunal afirme que o dereito desta muller á saúde sexual e reprodutiva non se viu afectado coa súa resolución”.

Non obstante, o TC rexeitou outro motivo de amparo plantexado polo mesmo farmacéutico, que tamén se tiña negado a vender preservativos no seu establecemento. Bouza sinalou que “a discriminación do xénero feminino chega a sobrepasar todos os límites do sentido común, ao consideraren que no caso dos preservativos non existe ningún conflito de conciencia con relevancia constitucional”.

As mozas e mozos socialistas ven reflictido nesta sentenza “o machismo estrutural que se mantén soterrado e normalizado, auspiciado polas políticas do Partido Popular”. “Mentras sigan a gobernar os mecenas dun patriarcado totalmente institucionalizado e alentado polos seus intereses retrógrados, continuaremos vendo estes ataques aos dereitos de todas as mulleres”, afirmou o Secretario Xeral

A Organización concluíu aseverando que “nos manteremos firmes ante as discriminacións por causa de xénero, especialmente aquelas que afectan ás rapazas máis novas, pois só desde unha plena crenza nunha sociedade igualitaria se pode facer fronte a estas ofensivas e loitar para que se erradique dunha vez por todas este machismo rancio e decrépito”.

Ideas para decorar, desde hormigón impreso hasta luces LED

El hogar es un espacio de refugio para las personas...

Un abogado especializado para hacer frente a cualquier conflicto familiar

En el día a día, nos exponemos a situaciones y...

Salud y Belleza

Dos aspectos que muchas veces están muy relacionados. En cada época...

Estrategias y herramientas de marketing digital para una tienda online

El marketing digital es un concepto fundamental que cualquier tienda...

El proceso contable en la empresa

El proceso contable en la empresa es un factor imprescindible...

La acusación dice que Toni Pérez pretende invalidar pruebas por posible acoso laboral

 Toni Pérez. Foto: PEPE OLIVARES.  22/05/2019 -  BENIDORM, (EFE). La acusación contra el...

Otros articulos relacionados.....