A CIG-Administración denuncia que xa se concederan, con anterioridade, máis de medio millón de euros en forma de convenios de colaboración
No DOG do 12/09/2013 publicábanse os convenios de colaboración da Secretaría Xeral de Medios con diferentes editoriais de xornais galegos. No DOG do 29/11/2013 esta secretaría xeral publica as subvencións concedidas ás empresas xornalísticas e de radiodifusión. Estas resolucións veñen publicándose cada ano e supoñen un desembolso total de máis de dous millóns de euros, nun momento no que se apela á austeridade para xustificar recortes nos salarios de empregadas e empregados públicos, e en servizos públicos esenciais como Sanidade ou Ensino.

 

 O sector da Autonómica da CIG-Administración denuncia que ademais deste departamento, as diferentes consellarías asinan convenios anuais cos principais medios galegos que “consisten en pagar centos de miles de euros a cambio de que estes lles publiquen o que lle mandan (Industria, Presidencia, Medio Rural…). Iso sen deixar de lado o gasto da Xunta coas campañas de publicidade institucional millonarias de dubidosa utilidade como a que anima o espírito emprendedor ou o espírito reproductivo”.
A isto engaden que estas axudas “resultan moi polémicas pois fan virar o temón do que se publica ou deixa de publicar en función dos intereses da Administración que subvenciona, convenia ou contrata”. Aseguran ademais que “non se entende a utilidade pública de tales gastos e menos nunha época de austeridade, na que o Goberno galego di ter como prioridade o mantemento dos “servizos públicos esenciais”, privatizando e recortando no resto que non lle resulta ‘esencial’”.
La Voz de Galicia, a eterna afortunada
Entre todas as empresas agraciadas destaca “La Voz de Galicia” que se leva máis dun terzo do total da partida orzamentaria da subvención (583.974,81€). Tamén leva case un terzo do orzamentado para os convenios de colaboración subscritos pola Secretaría Xeral de Medios (149.392,80€). Segundo isto, en total, durante o tempo que leva Feijóo no Goberno “estimamos que esta empresa leva recibido da Xunta máis de 45 millóns de euros entre diferentes conceptos (subvencións, convenios e contratos)”, sinalan.
Ante isto pregúntanse “cal sería a situación desta empresa, tendo en conta as dificultades económicas polas que atravesa, se non tivera recibido tal cantidade de diñeiro” e advirten que, “en calquera caso, recentemente se ten demostrado que o ollo da Xunta para rescatar empresas en problemas non é de todo clínico”.
Porén, subliñan, “as empresas privadas de comunicación non son empresas calquera, de aí que a Secretaría Xeral de Medios dependa directamente da Presidencia da Xunta”. Por iso denuncian o uso “perverso” que se fai deste departamento e a “inxerencia política do Goberno da Xunta” nos medios “utilizando os cartos da cidadanía galega que detrae da prestación dos servizos públicos”. E engaden que resulta “moi difícil” de explicar, por exemplo, por que “non hai diñeiro para manter a gratuidade da prestación farmacéutica hospitalaria e obrigar a repagar á cidadanía pola quimioterapia pero si sigue habendo cartos para comprar editoriais e censurar notas de prensa”.
Esixen, xa que logo, que nese compromiso de "transparecia" ao que se aludiu Feijóo recentemente respecto á "publicidade institucional" se atope tamén a “racionalización e austeridade deste gasto realmente racionalizable e austerizable”. E xunto a isto consideran que tamén sería un bo momento para abordar a discusión política da "publicidade institucional en negro" que supoñen as subvencións e os convenios de colaboración cos medios dos diferentes departamentos da Xunta

La ley hipotecaria vuelve a afectar a la firma de nuevos contratos

La contratación de hipotecas ha seguido bajando durante estos últimos...

César Acuña delega en Luis Valdez atacar al Dr. Miguel Gallardo

Dr. (PhD) Miguel Gallardo PERITO Tel.  (+34) 902998352 E-mail: apedanica.ong@gmail.com Asociación...

Consejos para crear un Call Center

Son muchos los negocios hoy en día que ven en...

Micrófonos con falsos interruptores espían a invitados a tertulias televisivas

Dr. (PhD) Miguel Gallardo PERITO Tel.  (+34) 902998352 E-mail: apedanica.ong@gmail.com Asociación...

Anunciantes de CONFIEP en programas mermeleros del Perú serán identificados desde España

Dr. (PhD) Miguel Gallardo PERITO Tel.  (+34) 902998352 E-mail: apedanica.ong@gmail.com Asociación...

Actualidad Ibérica Comisionólogos de comisionistas, comisariados y comisarios. Hacia la comisionología y su Ética

Dr. (PhD) Miguel Gallardo PERITO Tel.  (+34) 902998352 E-mail: apedanica.ong@gmail.com Asociación...

Aspectos a tener en cuenta al elegir un software call center

El aspecto de la comunicación siempre ha contado con una...

Pelispedia, imprescindible para ver películas en casa

Llegan días de frío, de los que apetece quedarse en...

Otros articulos relacionados.....
esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi