Intriga na costa

28 Octubre 2015 950 votos

Ratio: 5 / 5

Inicio activadoInicio activadoInicio activadoInicio activadoInicio activado
 

Intriga na costaUnha mañá o cadáver de Justo Castelo, un mozo mariñeiro, aparece na beira do mar, na praia de Panxón. Leva as mans atadas cunha brida e, nun principio, parece que foi el quen se quitou a vida. Tras a autopsia repárase en que a brida, tal e como está, é imposible que a puxera el mesmo.

O investigador Leo Caldas xunto ao seu compañeiro Rafa Estévez embárcanse nun caso sen testemuñas, nunha vila chea de supersticións e certa retranca, que lles levara a un escuro naufraxio pasado con moitos misterios.

Rodada en Nigrán e en Vigo, o novo filme de Gerardo Herrero lévanos á historia baseada no libro homónimo de Domingo Villar (quen é tamén coguionista da película). A medida que o espectador vai penetrando na historia, a intriga por saber quen é o asasino de Castelo vai crecendo cada vez máis. Estamos ante un filme que, aínda que empeza suave, consegue finalmente atrapar ao espectador.

Caldas, moi ben interpretado por Carmelo Gómez (quen tivo que afacerse ao galego e falar no mesmo con bos resultados), e Estévez, ao que lle da vida Antonio Garrido e se lle agradece ese punto cómico por non acabar de entender os costumes e a retranca galega, non o terán fácil, xa que o pobo resístese a desvelar as sospeitas e non aclaran o que puido pasar nese naufraxio pasado.

O elenco dos demais actores funciona ben, sobresaíndo Luis Zahera, quen aparece como o sospeitoso e fai unha actuación tremendamente boa como mariñeiro da zona. Luis Iglesia, cun pequeno papel de forense, sobresae dentro dos actores non principais.

Cunha fotografía correcta e un son que non abusa de efectos especiais (algo que se agradece), a película coxea un pouco no abuso de diálogos e nunha atmosfera que non acaba de atrapar en concordancia ao xénero do filme. Non obstante estamos ante un filme cunha historia ben tramada con xiros inesperados, que acaba mellor do que empeza e no que podemos gozar duns escenarios que reflicten excepcionalmente á costa galega e ao seu pobo{jcomments on}

Nuria García García

@triscele_

 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..