XSG: “Até nunca ao peor Ministro de Educación”

Xornal de Galicia  26 Junio 2015  Sección; Especiales 9352 votos

Ratio: 0 / 5

Inicio desactivadoInicio desactivadoInicio desactivadoInicio desactivadoInicio desactivado
 

Xuventudes Socialistas de Galicia celebra a marcha de Wert, mais lamenta que só supoña un lavado de cara puramente electoralista ao terse producido tan tarde

Os e as mozas socialistas lembran que Wert é o ministro peor valorado do Goberno do Partido Popular a causa dos seus xesteirazos crueis ao ensino public e en igualdade

Santiago de Compostela, 26 de xuño de 2015

As Xuventudes Socialistas de Galicia (XSG) mostraron hoxe a súa ledicia pola marcha do ministro Wert do Goberno de España tras “unha nefasta xestión que tivo como principal obxectivo a elitización do nesino e o ataque constante á industria cultural”, mais lamentan que só sexa un lavado de cara puramente electoralista.

O secretario xeral das XSG, Aitor Bouza, declarou que “o ministro Wert non forme parte do Goberno supón un verdadeiro alivio para a Comunidade Educativa e o mundo da cultura e só pode espertar alegrías entre os que vimos denunciando dende un primeiro momento os constantes ataques que sufriron.”

Bouza lembra que “non só se tomaron medidas que danaron e practicamente destruíron o ensino púbico, senón que tamén os e as que pertencen á comunidade educativa sufriron continuos descualificativos por parte do ministro saínte, ao igual que ocorreu no mundo da cultura que foi igualmente menosprezado e atacado.”

Segundo explican dende a Organización “Wert foi o peor ministro de educación e por fin se marcha, deixa como legado un ensino público totalmente dinamitado por unhas reformas inxustas e elitistas, sen esquecer outras prexudicias políticas como os cambios nos requisitos das bolsas e a pésima xestión dende o ministerio que están atentando crumente contra a igualdade de oportunidades.”

Ao respecto do ministro entrante, Bouza valora que en materia de educación “ten un traballo ben complexo por diante e debería escoitar dende un primeiro momento á Comunidade Educativa, ás Comunidades Autónomas e á cidadanía que esixen que se frenen as reformas educativas, tanto a LOMCE como a universitaria do 3+2”.

No mesmo senso, en materia de cultura, o secretario xeral consideoru que “é urxente e preciso que dea marcha atrás co IVAzo cultural e deixar de afogar a esta industria tan importante para a sociedade e a economía.”

Para rematar, os mozos/as socialistas esixen que “o cambio de ministro ten que ser un cambio drástico de políticas dende o Goberno” e advirten que “de non ser así, nos seguirán tendo enfronte tanto á Comunidade Educativa e a quen cremos que o ensino público e a cultura é pratrimonio de todos e todas”.

Otros articulos relacionados.....
 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..