Xosé Sánchez Bugallo leva ao Parlamento a denuncia dos empresarios de transporte diante das supostas irregularidades para adxudicar o servizo a Ambuibérica, representada por un ex alcalde e ex deputado do PP

Santiago de Compostela, 16 de setembro de 15. O deputado socialista Xosé Sánchez Bugallo esixiulle hoxe á conselleira de Sanidade que explique o presunto “amaño” do último concurso para a prestación do transporte sanitario urxente terrestre. Os socialistas preguntaron na sesión de control do Pleno do Parlamento pola denuncia trasladada por un grupo de empresarios do transporte diante das supostas irregularidades detectadas no proceso.

O responsable socialista preguntoulle á conselleira pola posible existencia de “información privilexiada”, como advirten os empresarios, para resolver un concurso de 121 millóns de euros por catro anos, prorrogables ata 6, ascendendo ata os 197 millóns de euros, a varias empresas encabezadas por Ambuibérica SL, representada polo ex alcalde de Mayorga –Valladolid- e ex deputado do PP Carlos Magdaleno.

Segundo os datos que figuran no Rexistro Mercantil, explicou o deputado socialista, esta empresa rexistrou un incremento na súa facturación en mais dun 50 por cento entre 2012 e 2013, “dándose a circunstancia de que mais do 96 por cento desta facturación produciuse en ámbitos baixo o goberno do PP”.

Sánchez Bugallo alerta das sospeitas que provoca un concurso que foi publicado no DOG do 26 de novembro cun prazo de 15 días naturais –reducidos a 11 por coincidir con dous domingos e dous festivos- cando o procedemento ordinario é de 26 días hábiles, e o habitual nestes procedementos aumenta a 45. Esta celeridade non se compadece, engadiu, con que a Consellería non resolvera o concurso ata o mes de agosto.

O deputado socialista sinala ademais que o equipo xurídico dos empresarios posúe documentación que aparentemente acredita que unha empresa de carrozaxe de ambulancias dispuña dos requisitos técnicos esixidos no prego de condicións mais de cinco semanas antes da convocatoria. O concurso establecía tamén como requisito sorprendente e novidoso que o beneficiario tivera as ambulancias totalmente equipadas no momento da adxudicación.

Amosou tamén un informe dun detective privado, facilitado por estes, con fotografías das ambulancias dunha das empresas beneficiarias, aparentemente matriculadas o 3 de decembro de 2014, e perfectamente carrozadas e preparadas o 27 de xaneiro de 2015.

Preguntou si “considera razoable que alguén compre as ambulancias e as equipe completamente 7 meses antes de saber si vai ser adxudicatario”, xa que o concurso foi resolto en agosto.

Xosé Sánchez Bugallo advertiu que “todo isto agrava e agranda as sospeitas manifestadas polos empresarios, entendemos que require unha explicación urxente por parte da conselleira e unha investigación que estableza o que realmente sucedeu neste concurso”.{jcomments on}

Robert Boyd, un irlandés en busca de la libertad en España. Por Francisco Javier Salmerón Giménez

Después de defender Cartagena y Alicante del cerco realizado por...

Telefónica del Perú y Ley N° 29733 - Ley de Protección de Datos Personales por declaraciones de Luis Vargas

Dr. (PhD) Miguel Gallardo PERITO Tel.  (+34) 902998352 E-mail: apedanica.ong@gmail.com Asociación...

Relaciones España-Irlanda Aula María Zambrano de Estudios Transatlánticos de la Universidad de Málaga

El Aula María Zambrano de Estudios Transatlánticos de la Universidad...

Ventajas de escoger imágenes gratis sin derechos

En la gran mayoría de proyectos, ya sea para diseñar...

Lo que necesitas saber sobre el turismo deportivo

¿Quieres unas vacaciones diferentes este año? El turismo deportivo es...

Aumenta el número de jugadores online

Hace unos años, nos parecía que el mundo del deporte...

El ex periodista de El País, Javier Ayuso, según el fiscal anticorrupción Miguel Serrano esta “protegido por la Ley de S…

Javier Ayuso Manuel Cerdán 20/02/201906:50 El fiscal anticorrupción Miguel Serrano prohibió al ex comisario José Villarejomencionar...

Otros articulos relacionados.....