P6220103 JPG 1912095821Vieito Villar, gaña o premio á mellor comunicación no Congreso da Asociación Mundial de Dereito Sanitario

O crecente desenvolvemento da administración sanitaria electrónica pode chegar a provocar unha discriminación indirecta contra un grupo cada vez maior da poboación, o das persoas maiores de 65 anos. Estes argumentos forman parte da comunicación coa que o investigador do grupo de Análise Xurídica-Económica Miguel Vieito Villar acaba de gañar o primeiro premio á mellor comunicación para investigadores novos no XXI Congreso da Asociación Mundial de Dereito Sanitario celebrado en Coimbra coa presenza de 200 expertos de todo o mundo.

 

O conxunto de persoas maiores de 65 anos representa máis de oito millóns en toda España e arredor de 655.000 en toda Galicia, comunidade autónoma na que a porcentaxe de maiores con respecto ao conxunto da poboación é do 24,26 por cento, fronte ao 19,5% do resto de España. Miguel Vieito apunta neste senso, que se trata dun colectivo ao que algúns estudos sociolóxicos cualifican como non experto no uso de novas tecnoloxías. Trátase dunha parte da poboación non familiarizada co uso de Internet ou mesmo de moitas ferramentas electrónicas. Ademais, engade o investigador no seu traballo, este é o grupo da poboación española cun nivel educativo máis baixo, ao ter coincidido coa época da posguerra.

 

A partir da análise de textos de bioética e de dereito sanitario tanto nacionais como internacionais, o investigador conclúe que o desenvolvemento da xestión electrónica no ámbito sanitario e as novas políticas neste eido deben acompañarse da potenciación e mantemento de métodos tradicionais de acceso tanto aos rexistros como aos procedementos (queixas, acceso aos comités de ética ou programas de seguimento para enfermidades crónicas), así como de formación e programas de adestramento para persoas maiores ou mediadores que facilitan o seu acceso ao mundo dixital.
Miguel Vieito, sen esquecer o valor engadido que achega a administración electrónica no eido sanitario, chama a atención sobre a necesidade de facela compatible cos principios recollidos en diferentes convencións, tratados e leis tanto nacionais como internacionais que buscan configurar un sistema no que a información proporcionada ao paciente deberá ser adecuada, apropiada e transmitida dunha maneira comprensible á vista da súa capacidade para entendelo.

La seguridad de los casinos evoluciona con la tecnología

La vida es constante evolución y lo que no avanza...

La estrategia más efectiva en los negocios: ser creativos

Cada día aparecen nuevos avances que obligan a las empresas...

¿Cómo invertir en tu propio futuro?

Hoy en día y con los tiempos que corren resulta...

Para las Navidades, actuales y venideras

La navidad es una época centrada en celebrar el nacimiento...

Cómo cambiar la percepción que el público tiene de tu marca

Mantener una buena reputación de cara al público es muy...

Los primeros regalos navideños

Los regalos navideños generan y reafirman los lazos de amistad...

Trabajos verticales con calidad profesional en Sevilla

Prolongar el rango de vida útil de los acabados en...

APÓYATE EN LOS EXPERTOS PARA TENER UNA BODA DE ENSUEÑO

Planificar una boda combina dos aspectos opuestos; por una parte...

Algunas apps y funciones actuales para usar de forma efectiva el smartphone

Hay nuevas maneras de disfrutar de la música y los...

Otros articulos relacionados.....
esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi