Ó recorte que xa se produciu en Decembro de 2014 de suprimir 64 prazas turistas (24 sentadas e 40 camas) sumase agora a supresión de 2 vagóns de camas preferentes que tiñan 20 camas distribuídas en 10 compartimentos (5 por vagón) con dúas camas cada un deles, eliminando tanto o que sae da rama de Ferrol-Coruña-Monforte, como o da rama de Pontevedra-Vigo-Ourense e deixando cada composición con tan só un vagón de turista sentado (24 prazas), un vagón de cama turista (20 prazas) y un vagón de cama gran-clase (10 prazas) en total 54 prazas por composición e 108 prazas no tren completo cando se unen en Monforte as dúas ramas, fronte as 192 prazas que ofertaba ata Decembro de 2014, mais dun 43% menos de prazas ofertadas (-84 prazas).

A isto temos que engadir que este tren nocturno aumentou o seu tempo de viaxe en 90 minutos en Xaneiro de 2016, cando RENFE tomou a decisión de que deixara de circular por Ourense-Zamora e pasara a facelo por Monforte-León, superando as 11 horas de viaxe entre Coruña-Vigo e Madrid e chegando as 12 horas e 51 minutos de Ferrol a Madrid.

Tampouco temos que esquecer que RENFE xa non reforza este tren en períodos de alto tráfico (Verán, Semá Santa, Nadal, Constitución, etc) a pesar de circular completos os trens Alvias diurnos, e tampouco circula os sábados pola noite nin os días entre medio de pontes longos.

Dende CGT-Galiza denunciamos o que consideramos un plan deseñado por RENFE para eliminar pouco a pouco o único servizo ferroviario nocturno, Galiza-Madrid, a base de minguar os días que circula, aumentar o tempo de viaxe e minguar as prazas ofertadas mais económicas (dende 2014 RENFE eliminou 64 prazas sentadas de turista e cama turista e 20 de cama preferente e mantén as Camas Gran Clase), para obrigar @s viaxeiros a utilizar os trens diúrnos Alvia, aínda que a ocupación do tren hotel sexa alta e cubra a necesidade de mochileir@s, peregrinos, xente nova e outros viaxeir@s que prefire durmir no tren e espertar a primeira hora en Madrid ou en calquera cidade galega polas que pasa este tren (Ferrol, A Coruña, Betanzos, Curtis, Guitiriz, Lugo, Sarria, Pontevedra, Vigo, Guillarei,Ourense, Monforte, San Clodio, A Rúa, O Barco)